Laging tatandaan: Bago manalangin, ihanda muna ang iyong sarili, linisin anuman ang karumihan na nasa iyong puso at isip upang magiging mabisa ang iyong pakikipag-usap sa ating Panginoong Diyos.
Pagpalain ka nawa ng ating Panginoong Diyos sa iyong pananalangin!
Pambungad na Panalangin sa Pagpupulong
Ama naming DiyosMaraming salamat po sa pagkakataong ito na ipinagkaloob mo sa amin
Pag-uusapan po namin ang mga mahahalagang bagay sa pagpupulong na ito.
Nawa'y samahan mo kami sa pagkakataong ito.
Linisin mo po anuman nakita mong masama sa aming puso at pag-iisip
Magtutulungan po sana ang bawat isa
Ipahayag anuman ang mga magagandang opinyon
Sa ikatatagumpay ng aming mga layunin.
Dagdagan mo po kami ng karunungan at higit sa lahat ng pananampalataya
Na magagawa po namin ang mga bagay na mahihirap gawin
Sa pamamagitan ng tulong at awa mo po sa amin.
Ipagkaloob ang kapayaan sa buong panahon ng aming pagpupulong
Hinihiling po namin ang lahat ng ito.
Sa pangalan ni Jesus na aming Dakilang Tagapagligtas.
Amen...
Meron ka bang gustong ipagawa na ibang klase ng panalangin? Sabihin mo lang sa comment sa ibaba. - https://www.affordablecebu.com/