Ika-20 Pambansang Kumperensiya ng mga Mag-aaral ng Kasaysayan

IKA-DALAWAMPUNG PAMBANSANG KUMPERENSIYA NG MGA MAG-AARAL NG KASAYSAYAN
(20th National Conference of History Students)

Ang Unibersidad ng Pilipinas Lipunang Pangkasaysayan (UP LIKAS) ay magtataguyod ng Ika-dalawampung Pambansang Kumperensiya ng mga Mag-aaral ng Kasaysayan na pinamagatang "Mula Bagani Hanggang Bagong Bayani: Ang Pagpapatuloy at Pagbabago ng Dalumat at Hulagway na Bayani at Pagkabayani sa Daloy ng Panahon" sa Agosto 21-23, 2011 sa UP NISMED Auditorium, Diliman, Lungsod ng Quezon. Ang layunin ng kumperensyang ito ay ang mga sumusunod:

1. siyasatin ang dalumat ng bayani at pagkabayani lalo pa at sa taong ding ito ginugunita ang ika-150 taong pagkasilang ng pambansang bayani na si Dr. Jose Rizal;
2. makatulong sa mga mag-aaral na siyasatin ang makasaysayan na kahulugan at pakahulugan ng bayani;
3. makapagbukas ng talastasan para sa mga makabuluhang pagsusuri sa paksang ito gamit ang mga pananaw at lapit pangkasaysayan; at
4. matanto ng mga magsisipagdalo ang saysay ng disiplina sa pagbibigay-linaw, pagpapalawak at pagpapalalim ng bayani at kabayanihang Pilipino hanggang sa kasalukuyan.
   

Ang mga mahuhusay at kinikilalang mananaliksik, guro at academiko mula sa iba't ibang larangan ay inaanyayahang tagapagsalita sa gawaing ito.

Ito ay inaasahang dadaluhan ng mga mag-aaral sa sekundarya at mga guro ng Araling Panlipunan.

Para sa iba pang impormasyon, makipag-ugnayan kay G. James Russel B. de Vera, Bise Presidente ng External Affairs sa mobile phone big.: 0915-700-3409 o magpadala ng mensahe sa e-mail address: uplikas@gmail.com. - https://www.affordablecebu.com/