Pandaigdigan Kumperensiya at Worksyap sa Filipino

Ang Pambansang Samahan sa Linggwistika at Literaturang Filipino (PSLLF) ay magdaraos ng Pandaigdigan Kumperensiya at Worksyap sa Filipino na may temang "Ang Filipino Bilang Wikang Global: Iba’t Ibang Isyu at Hamon sa Siglo 21” na gaganapin sa CSB International Conference Center, Estrada Street, corner Arellano, Malate, Maynila sa Agosto 3-5, 2012. Ang layunin ng gawaing ito ay ang mga sumusunod:

1. tipunin ang iba’t ibang edukador, institusyon at taong tuwiran at di tuwirang tumutulong sa pag-aangat ng istatus ng Filipino bilang wikang global;
2. makapagtalakayan tungkol sa mga pandaigdigang kalakaran sa pagtuturo ng Filipino bilang pangalawang wika;
3. matuklasan ang mga bagong pananaliksik sa ibang kaugnay na larangan gaya ng literatura, kasaysayan, sosyolohiya, pilosopiya, media at araling kultural;
4. malaman ang mga bagong tunguhin ng Filipino bilang wika sa pamahalaan, edukasyon at iba pang larangan sa Pilipinas;
5. mabigyan ng di tuwirang imersiyon sa araling Filipino ang mga Pilipino¬Amerikano na isinilang at/o lumaki sa Estados Unidos upang makatulong sa paghahanap nila ng sariling identidad; at
6. makabuo ng pandaigdigang network para sa pagtuturo ng wikang Filipino.
   

Ang mga inaasahang dadalo sa seminar ay ang mga panrehiyon at pansangay na superbisor sa Filipino, mga tagapangulo o tagapag-ugnay ng asignaturang Filipino, at mga piling guro sa elementarya at sekundarya sa bawat paaralan.

Ang bayad sa rehistrasyon ay Pitong Libong Piso (PhP7,000.00) para sa gastusin sa tanghalian (3), meryenda (6), lugar na pagdarausan, seminar kit, onoraryum ng mga tagapanayam, at iba pang kaugnay na gastos. Lahat ng magpaparehistro at magbabayad hanggang Abril 30, 2012 ay may diskwentong sampung porsyento (10%).
Para sa reserbasyon at sa mga gustong tumigil sa hotel/dormitoryo, makipag-ugnayan sa mga sumusunod:

Prof. Emma O. Sison DLSU-College of St. Benilde, Taft Ave., Manila Telephone No.: (02)881-2573 Cellphone No.: 0917-8961993	Dr. Teresa F. Fortunato DLSU-Manila, Taft Ave., Manila Telephone No.: (02) 524-4611 local 552 Cellphone No.: 09163782823
Dr. Aurora E. Batnag Email Address: au@batnag.org Telephone No.: (02) 921-0193 Cellphone No.: 09192877816	Prof. Santiago Flora, Jr. Quezon City Polytechnic University Telephone No.: (02) 514-3520 Cellphone No.: 09228162676 Email Address: tiagz@yahoo.com

- https://www.affordablecebu.com/