Namamasukan po akong tindera sa isang hardware store. Nang minsan po akong ma-late ng pasok ay pinagalitan po ako ng aking amo na nagsabing sa susunod daw ay kakaltasan na niya ang aking sahod sa bawat minutong ako ay male-late. Kapag pumasok din daw ako ng lampas 8:30 ng umaga ay ituturing na raw niya akong absent para sa buong araw. Makatwiran po ba ang gustong maging patakaran ng amo ko? – Lily
Dear Lily,
googletag.cmd.push(function() { googletag.display('gpt-ad-Instream_Video'); });
Nakasaad sa Article 113 ng Labor Code na ang tanging maaring awasin ng isang employer mula sahod ng kanyang empleyado ay (1) ang ipinambayad sa insurance ng empleyado na kinuha ng may permiso niya; (2) union dues na iniawas ng may pagpayag ng empleyado at (3) iba pang pagbawas mula sa sahod na pinahihintulutan ng batas o ng mga patakarang inisyu ng Secretary of Labor and Employment.
Sinusunod sa ilalim ng ating batas ang polisiya ng “no work-no pay” kaya maaring bawasin sa sahod mo ang mga oras na hindi ka naman nagtatrabaho. Kailangan nga lang siguraduhin ng employer mo na ang pagkompyut sa ibabawas sa suweldo mo ay may tamang batayan; kailangang nakaayon ito sa halaga ng kinikita mo bawat oras batay sa pang-araw araw mo na sinusuweldo.
googletag.cmd.push(function() { googletag.display('gpt-ad-MREC_Article'); });
Base rin sa prinsipyo ng “no work-no pay” ay hindi maari ang gusto ng employer mo na ituring kang absent kung ikaw ay dumating sa trababo ng lampas sa nakatakdang oras; kung magtatrabaho ka naman para sa araw na iyon ay kailangan ka pa rin niyang suwelduhan bagamat ito ay may bawas ayon sa oras na ikaw ay wala pa sa trabaho." - https://www.affordablecebu.com/
